Breaking!

ULEGA AAGIZA UCHUNGUZI WATENDAJI WA BRT AWAMU YA NNE
TANZANIA NA ETHIOPIA, NCHI PEKEE AFRIKA ZENYE KUFANYA KAZI NA SERIKALI YA FINLAND- RAIS SAMIA
MKE WA RAIS FINLAND AFANYA “ROYAL TOUR” MAKUMBUSHO YA TAIFA
TANZANIA, MOROCCO KUONGEZA USHIRIKIANO SEKTA YA NISHATI
May 17, 2025
CHANGAMOTO YA MAJI SOKO LA KILOMBERO ARUSHA YATATULIWA, WAFANYABIASHARA WAMSHUKURU RAIS SAMIA NA GAMBO

CHANGAMOTO YA MAJI SOKO LA KILOMBERO ARUSHA YATATULIWA, WAFANYABIASHARA WAMSHUKURU RAIS SAMIA NA GAMBO

Wafanyabiashara wadogo maarufu kama machinga wa Soko la Namba 68, linalofahamika kama Kilombero jijini Arusha, wameishukuru Serikali ya Awamu ya Sita inayoongozwa na Rais Samia Suluhu Hassan pamoja na Mbunge wa Arusha Mjini, Mrisho Mashaka Gambo, kwa juhudi za kutatua changamoto ya maji sokoni hapo. Hii ni kupitia mradi wa uchimbaji wa kisima kipya ambacho kitasaidia wafanyabiashara hao kupata huduma ya maji safi na salama

Wakizungumza sokoni hapo, machinga hao wameeleza kuwa upatikanaji wa maji ni muhimu sana kwa shughuli zao za kila siku, hasa kwa wafanyabiashara wa mamantilie, wauza matunda, na huduma zingine zinazotegemea maji.

“Mrisho Gambo amekuwa msikivu, ameweza kutuchimbia kisima ambacho kitatusaidia kunufaika kwa kutuwezesha kupata maji safi na salama kwa ajili ya kuendesha shughuli zetu, tuna mamantilie, tuna wauza matunda. Yote hii inahitaji maji”, ameeleza Salome Mollel, mfanyabiashara wa nguo za mitumba sokoni hapo.

Kwa miaka mingi, changamoto ya maji imekuwa kikwazo kikubwa kwa wafanyabiashara wa soko hilo. Walikuwa wakiuziwa maji kwa bei ya juu, ndoo kubwa ikiuzwa Shilingi 200 na ndogo Shilingi 150, hivyo wamemshukuru Rais Samia na Mbunge Gambo kwa kutatua changamoto hiyo wakitumaini bei ya maji itakwenda kuwa chini kwa kupunguza gharama zao za kila siku.

Mbunge wa Arusha Mjini, Mrisho Mashaka Gambo, amesema kuwa anatambua changamoto zinazowakabili wafanyabiashara hao, ikiwemo ufinyu wa miundombinu, gharama kubwa za umeme, na changamoto za mikopo. Hata hivyo, alisisitiza kuwa kutatuliwa kwa changamoto ya maji ni hatua moja muhimu kati ya nyingi zinazolenga kuboresha mazingira ya biashara sokoni hapo.

“Tutahakikisha tunafanya ukarabati wa miundombinu, kuweka taa za barabarani, na kuboresha mazingira kwa ujumla ili kuwawezesha wafanyabiashara kufanya kazi katika mazingira bora na salama,” amesema Gambo.
Pia amewataka wafanyabiashara kushirikiana na viongozi wa soko ili kuhakikisha huduma ya maji inawanufaisha wote bila changamoto za matumizi mabaya au kuuza maji miongoni mwa wanufaika wenyewe.

“Shida tuliyokutana nayo maeneo tuliyochimba visima ni kwamba, unachimba kisima lakini wanufaika wa kisima hicho wanaanza kuuziana maji wenyewe kwa wenyewe na mwisho wa siku msaada unaoletwa unakuwa hauna maana”, ameeleza Gambo.

Wafanyabiashara wa soko hilo wameonesha matumaini makubwa kutokana na juhudi hizo za Serikali, wakiamini kuwa huduma bora za msingi kama maji na miundombinu itachochea ukuaji wa biashara zao na kuchangia kuimarisha uchumi wa eneo hilo kwa ujumla. Wamesema kuwa hatua hizo zinaonesha dhamira ya Serikali ya kushughulikia mahitaji ya wananchi wa kipato cha chini kwa vitendo.

About Author

Bongo News

Previous Post

Next Post

70 Comments

Leave a Reply

Your email address will not be published. Required fields are marked *

Related Posts

KITAIFA

WAZIRI MKUU: TUNATAKA KILA MWANANCHI APATE KITAMBULISHO

WAZIRI MKUU Kassim Majaliwa amesema mkakati wa Serikali ni kumwezesha kila

Bongo News
May 11, 2023
KITAIFA

HISTORIA YA BENARD MEMBE

Bernard Kamilius Membe alizaliwa tarehe 9 Novemba, 1953, Rondo, Chiponda, katika

Bongo News
May 12, 2023
KITAIFA

SERIKALI KUGHARAMIA MATIBABU KWA MAJERUHI NA MAZISHI

Mkuu wa Mkoa wa Dodoma Mhe. Rosemary Senyamule amesema Serikali itagharamia

Bongo News
May 12, 2023
KITAIFA

CCM, JUMIKITA USO KWA USO

 Katibu wa Halmashauri Kuu ya CCM Taifa, Itikadi na Uenezi, Sophia

Bongo News
May 12, 2023
KITAIFA

WAZIRI BASHUNGWA: SERIKALI INAENDELEA KUBORESHA MIUNDOMBINU YA

Waziri wa Ulinzi na Jeshi la Kujenga Taifa, Innocent Bashungwa (Mb)

Bongo News
May 12, 2023