Breaking!

ULEGA AAGIZA UCHUNGUZI WATENDAJI WA BRT AWAMU YA NNE
TANZANIA NA ETHIOPIA, NCHI PEKEE AFRIKA ZENYE KUFANYA KAZI NA SERIKALI YA FINLAND- RAIS SAMIA
MKE WA RAIS FINLAND AFANYA “ROYAL TOUR” MAKUMBUSHO YA TAIFA
TANZANIA, MOROCCO KUONGEZA USHIRIKIANO SEKTA YA NISHATI
May 17, 2025
DKT. BITEKO AWATAKA WATANZANIA KUTOGAWANYIKA WAKATI WA UCHAGUZI MKUU

DKT. BITEKO AWATAKA WATANZANIA KUTOGAWANYIKA WAKATI WA UCHAGUZI MKUU

📌 Asema Serikali ya Rais Samia itahakikisha miradi ya maendeleo inagusa wananchi

📌 Aelezea upekee wa Muungano wa Tanganyika na Zanzibar

📌 Asema Rais Samia anasema na kutenda

Na Ofisi ya Naibu Waziri Mkuu na Waziri wa Nishati

Naibu Waziri Mkuu na Waziri wa Nishati, Mhe. Dkt. Doto Biteko amewataka wananchi kutogawanywa kwa itikadi ya dini wala siasa wakati huu kuelekea Uchaguzi Mkuu wa Rais, Ubunge na Udiwani kwa manufaa ya Taifa.

Dkt. Biteko amesema hayo leo Aprili 23, 2025 wilayani Monduli mkoani Arusha wakati akizungumza na wanannchi mara baada ya kuzindua mradi wa maji katika Kijiji cha Esilalei.

“ Ninatamani kuona hatugawanyiki na mtu yoyote wala hatuwekwi kwenye makundi ya dini wala ukabila. Nataka niwaombe wananchi wa Monduli pendaneni na shirikianeni na uchaguzi utakapofika chaguaneni kwa haki,” amesema Dkt. Biteko.

Amewataka wananchi wa Monduli kuutunza mradi huo wa maji wa Esilalei “ Nawapongeza Wizara ya Maji na RUWASA kwa kusimamia mradi huu mzuri na wa uhakika, bila shaka mtaona itakapofika Desemba mwaka huu awamu ya pili ya mradi itakuwa imekamilika,”

Pia, Dkt. Biteko amesema kuwa Serikali inayoongozwa na Rais Mhe. Dkt. Samia Suluhu Hassan inawapenda wananchi wa Monduli na inawapongeza kwa uchapakazi wao kwenye kilimo na ufugaji.

Aidha, amewataka wachape kazi na kuwa Rais Samia amefikisha mradi huo wa maji kwa kuwa anapenda pia mifugo yao istawi.vilevile, amesema kuwa Rais Samia amemtuma kuwahakikishia wananchi hao kuwa wafugaji nchini wanakuwa daraja la juu kama walivyo wananchi wengine.

Aidha, amesema wananchi hao wanachohitaji ni Serikali tu iwapatie nyenzo kama maji, umeme na barabara ili kufanikisha shughuli zao ambapo tayari Rais Samia ameapa kuwapatia nyenzo hizo.

Kuhusu umeme, Dkt. Biteko amesema kuwa vijiji vyote vya Wilaya ya Monduli vimepata umeme na katika vitongoji 236, vitongoji 72 vimepata umeme na vilivyosalia vitapata huduma hiyo mara baada ya Uchaguzi Mkuu.

Akijibu ombi la Mbunge wa Monduli, Mhe. Freddy Lowasa “ Nguzo za umeme 20 alizoomba Mhe. Mbunge kuanzia Alhamisi hadi wiki inayokuja tutaanza kuona watu wa hapa wanapata umeme bila masharti yoyote, katika maisha tunapimwa kwa kazi si kwa maneno,”

Pamoja na hayo, Dkt. Biteko amezungumzia Muungano wa Tanganyika na Zanzibar na kusema kuwa Muungano huo wa miaka 61 ni wa kipekee duniani kwa kuwa mataifa kadhaa yamejaribu kuungana lakini yameshindwa. Aidha, Tanzania imeendelea kubaki Taifa moja lenye amani.

Naibu Waziri wa Wizara ya Madini Dkt. Steven Kiruswa amefurahishwa kwa Wilaya hiyo kupata maji na kusema kuwa maji ni uhai, hivyo anamshukuru Rais Samia kwa kusaidia pia mifugo kupata maji.

Mbunge wa Monduli, Mhe. Freddy Lowasa amesema kuwa kazi aliyofanya Rais Samia wilayani humo ni kubwa kwa kuwa huduma ya maji ilikuwa changamoto kubwa kwao.

“ Kwa miaka mingi maji yamekuwa kero kubwa katika Wilaya yetu kwa kupata mradi huu tunaomba umpelekee shukrani zetu Rais Samia,” amesema Mhe. Lowassa.

Meneja wa Wakala wa Maji Safi na Usafi wa Mazingira Vijijini Wilaya ya Monduli, Mhandisi Naville Msaki amesema kuwa mradi huo ulisanifiwa mwaka 2021 utahudumia wananchi 8,867 na mifugo 24,000 hadi sasa umefikia asilimia 96 na hadi kukamilika kwake utagharimu shilingi bilioni 2.7.

About Author

Bongo News

Previous Post

Next Post

375 Comments

Leave a Reply

Your email address will not be published. Required fields are marked *

Related Posts

KITAIFA

WAZIRI MKUU: TUNATAKA KILA MWANANCHI APATE KITAMBULISHO

WAZIRI MKUU Kassim Majaliwa amesema mkakati wa Serikali ni kumwezesha kila

Bongo News
May 11, 2023
KITAIFA

HISTORIA YA BENARD MEMBE

Bernard Kamilius Membe alizaliwa tarehe 9 Novemba, 1953, Rondo, Chiponda, katika

Bongo News
May 12, 2023
KITAIFA

SERIKALI KUGHARAMIA MATIBABU KWA MAJERUHI NA MAZISHI

Mkuu wa Mkoa wa Dodoma Mhe. Rosemary Senyamule amesema Serikali itagharamia

Bongo News
May 12, 2023
KITAIFA

CCM, JUMIKITA USO KWA USO

 Katibu wa Halmashauri Kuu ya CCM Taifa, Itikadi na Uenezi, Sophia

Bongo News
May 12, 2023
KITAIFA

WAZIRI BASHUNGWA: SERIKALI INAENDELEA KUBORESHA MIUNDOMBINU YA

Waziri wa Ulinzi na Jeshi la Kujenga Taifa, Innocent Bashungwa (Mb)

Bongo News
May 12, 2023