Breaking!

TIJA KWA NCHI NDIYO KIPAUMBELE CHA UTEKELEZAJI WA MRADI WA KUCHAKATA NA KUSINDIKA GESI ASILIA (LNG)- DKT. BITEKO
KUUNDWA KWA JAB NI HATUA YA KUIMARISHA NA KUBORESHA SEKTA YA HABARI – MAJALIWA
KAMPENI YA MSAADA WA KISHERIA YA MAMA SAMIA YAENDELEA KUNUFAISHA WANANCHI WA MKOA WA KASKAZINI UNGUJA
NAIBU WAZIRI NDERIANANGA AWATUNUKU TUZO WAZIRI NDUMBARO NA KM MASWI
May 1, 2025
MAJALIWA ATEMA CHECHE,  MIMBA ZA WATOTO WA SHULE HAZIKUBALIKI. TUTAKULA NAO SAHANI MOJA
KITAIFA

MAJALIWA ATEMA CHECHE,  MIMBA ZA WATOTO WA SHULE HAZIKUBALIKI. TUTAKULA NAO SAHANI MOJA

MAJALIWA ATEMA CHECHE,  MIMBA ZA WATOTO WA SHULE HAZIKUBALIKI. TUTAKULA NAO SAHANI MOJA

Ahoji ni kwa nini kesi mbili tu ziko mahakamani, awataka RC, Ma-DC wachukue hatua kwa wahusika

WAZIRI MKUU Kassim Majaliwa amemwagiza Mkuu wa Mkoa wa Songwe, Dkt. Francis Michael na Wakuu wa Wilaya zote za mkoa huo wahakikishe wanawasaka watu wote wanaotuhumiwa kuwapa mimba watoto wa kike.

“Tangu Januari hadi sasa, mkoa huu una kesi 59 za wasichana walioacha shule kwa sababu ya ujauzito lakini ni kesi mbili tu zimeeenda mahakamani. Hizo 57 ziko wapi au zimeishia wapi? Ni nani anazuia kesi hizi zisiende? Jeshi la Polisi, ni kwa nini hatuwafikishi watuhumiwa kwenye vyombo vya sheria?, amehoji.

“RC na Ma-DC wote kaeni na Kamati zenu za Ulinzi mbainishe wahusike na mhakikishe hatua kali zinachukuliwa dhidi ya wote waliohusika,” amesema Waziri Mkuu leo (Alhamisi, Novemba 23, 2023) wakati akitoa agizo hilo mara baada ya kukagua ujenzi wa shule ya sekondari ya wasichana Ileje.

Waziri Mkuu ambaye yuko mkoani humo kwa ziara ya siku tatu, amesema taarifa za mkoa huo siyo kwani kesi hizo 59 ni kwa shule za sekondari na hazijumuishi shule za msingi.

Amewakemea vijana wanaopenda kutembea na watoto wa shule waache tabia hiyo mara moja kwani wanakatisha maisha ya baadaye ya watoto hao. “Sheria iko wazi katika kosa hili. Adhabu yake ni miaka 30, kijana kabla hujamfuata binti jiulize una miaka mingapi, sababu tukikufunga utarudi ukiwa mzee,” amesema.

Akisisitiza haja ya kuwalinda mabinti, Waziri Mkuu amesema: “Hawa ni watoto wetu, tunapaswa tuwalee ili wakue na kuja kushika majukumu ya nchi. Rais Samia amewekeza kwao kwa kutoa elimu bila ada. Tunapaswa tuhakikishe wanatimiza ndoto zao, kwa hiyo tuwalee ili waweze kuhitimu,” amesisitiza.

Amewaomba masheikh na wachungaji wakemee tabia hiyo kupitia mahubiri ya kwenye ibada.

Katika hatua nyingine, Waziri Mkuu amewapongeza wana-Ileje kwa kujenga maabara ya kompyuta kwenye shule hiyo yenye mikondo ya kidato cha kwanza hadi cha nne ili kuhimiza matumizi ya TEHAMA.

“Nimefurahi kuona mna jengo maalumu la TEHAMA. Hii inaakisi malengo ya Mheshimiwa Rais Dkt. Samia Suluhu Hassan ya kutaka TEHAMA isambae nchi nzima.”

Amesema amefurahi pia kusikia Halmashauri hiyo ina lengo la kuifanya shule hiyo iwe na kidato cha tano na sita. “Mkurugenzi Mtendaji fanyeni maamuzi ili madarasa ya kidato cha tano na sita yajengwe na muweze kuwapa fursa watoto wa kike wa wilaya hii. Pia mtatoa chachu kwa  hawa wa kidato cha kwanza hadi nne ili wasome kwa bidii,” alisema.

About Author

Bongo News

Previous Post

Next Post

75 Comments

Leave a Reply

Your email address will not be published. Required fields are marked *

Related Posts

KITAIFA

WAZIRI MKUU: TUNATAKA KILA MWANANCHI APATE KITAMBULISHO

WAZIRI MKUU Kassim Majaliwa amesema mkakati wa Serikali ni kumwezesha kila

Bongo News
May 11, 2023
KITAIFA

HISTORIA YA BENARD MEMBE

Bernard Kamilius Membe alizaliwa tarehe 9 Novemba, 1953, Rondo, Chiponda, katika

Bongo News
May 12, 2023
KITAIFA

SERIKALI KUGHARAMIA MATIBABU KWA MAJERUHI NA MAZISHI

Mkuu wa Mkoa wa Dodoma Mhe. Rosemary Senyamule amesema Serikali itagharamia

Bongo News
May 12, 2023
KITAIFA

CCM, JUMIKITA USO KWA USO

 Katibu wa Halmashauri Kuu ya CCM Taifa, Itikadi na Uenezi, Sophia

Bongo News
May 12, 2023
KITAIFA

WAZIRI BASHUNGWA: SERIKALI INAENDELEA KUBORESHA MIUNDOMBINU YA

Waziri wa Ulinzi na Jeshi la Kujenga Taifa, Innocent Bashungwa (Mb)

Bongo News
May 12, 2023