Breaking!

TIJA KWA NCHI NDIYO KIPAUMBELE CHA UTEKELEZAJI WA MRADI WA KUCHAKATA NA KUSINDIKA GESI ASILIA (LNG)- DKT. BITEKO
KUUNDWA KWA JAB NI HATUA YA KUIMARISHA NA KUBORESHA SEKTA YA HABARI – MAJALIWA
KAMPENI YA MSAADA WA KISHERIA YA MAMA SAMIA YAENDELEA KUNUFAISHA WANANCHI WA MKOA WA KASKAZINI UNGUJA
NAIBU WAZIRI NDERIANANGA AWATUNUKU TUZO WAZIRI NDUMBARO NA KM MASWI
May 1, 2025
CAF WAKAGUA MIUNDOMBINU ITAKAYOTUMIKA AFCON 2027
MICHEZO

CAF WAKAGUA MIUNDOMBINU ITAKAYOTUMIKA AFCON 2027

CAF WAKAGUA MIUNDOMBINU ITAKAYOTUMIKA AFCON 2027

Timu ya wataalamu kutoka Shirikisho la Mpira wa Miguu Afrika (CAF) ipo nchini kukagua miundombinu ya michezo ikiwa ni maandalizi ya mashindano ya AFCON 2027 endapo nchi za Tanzania, Kenya na Uganda zitapata ridhaa ya kuandaa mashindano hayo makubwa barani Afrika.

Akifungua kikao cha kuwakaribisha wataalam hao, Waziri wa Utamaduni, Sanaa na Michezo Mhe. Balozi Dkt. Pindi Chana amesema Serikali ya Tanzania ipo tayari kuandaa AFCON 2027 pamoja na Kenya na Uganda kwa kuwa Tanzania uamuzi huo umefanyiwa kazi katika ngazi ya juu ya serikali.

“Mimi binafsi niliwasilisha Ajenda hii katika kikao cha Baraza la Mawaziri kilichoongozwa na Mheshimiwa Rais Samia Suluhu Hassan na kuhudhuriwa na Makamu wa Rais, Waziri Mkuu na Mawaziri wote na ilipitishwa kwa kauli moja na maagizo yakatolewa kwamba tuendelee na taratibu za kuandaa mashindano haya” amesema  Balozi Dkt. Chana.

Kwa upande wake Katibu Mkuu wa Wizara hiyo Bw. Saidi Yakubu amesema tayari Serikali imesaini mkataba wa makubaliano ya ukarabati wa Uwanja wa Benjamin Mkapa na Kampuni ya Beijing Construction Engineering Group (BCEG) ya China ambao utagharimu Sh. Bilioni 31, ili kufanikisha azma hiyo ya nchi za Tanzania, Kenya na Uganda ambazo ni sehemu ya Umoja wa Jumuiya ya nchi za Afrika Mashariki ambazo zitaandaa kwa mara ya kwanza mashindano ya AFCON tangu mashindano hayo yaanzishwe.

Katibu Mkuu Bw. Yakubu ametaja maeneo ambayo yatafanyiwa ukarabati kuwa ni eneo la vyumba vya wachezaji, chumba cha waandishi wa Habari, eneo la watu mashuhuri (VVIP), kubadilisha viti vyote vya kukalia mashabiki uwanjani hapo, ubao wa kuonesha matokeo, kuweka mfumo mpya wa TEHAMA, kubadilisha eneo la kuchezea na seti mbili za magoli ambazo zitatumika uwanjani hapo.

Maeneo mengine ambayo yatafanyiwa ukarabati ni viti vya benchi la ufundi na wachezaji wa akiba, mfumo wa umeme, mfumo wa sauti, eneo la kukimbilia wanariadha, chumba cha VAR, lifti mbili mpya, mfumo wa taa, mfumo wa maji taka, mgahawa pamoja na vitu vingine ambavyo vimepita muda wa matumizi kwani vilitakiwa kutumika kwa muda wa miaka saba tu.

Ukaguzi huo umehusisha Uwanja wa Benjamin Mkapa, Uwanja wa ndege wa kimataifa wa Mwl. Julius Julius Nyerere, hospitali ya Taifa Muhimbili, Uwanja wa Uhuru, na viwanja vingine vya mazoezi.

Kwa upande wake Mkuu wa Msafara Omar El Ghiathi amesema katika ziara yao ya ukaguzi wamefurahishwa na utayari wa nchi hizo tatu ambazo zimeungana kuomba kupewa ridhaa na CAF kwa kauli yao ya Pamoja Bid ili kuandaa mashindano ya AFCON 2027.

About Author

Bongo News

Previous Post

Next Post

95 Comments

Leave a Reply

Your email address will not be published. Required fields are marked *

Related Posts

MICHEZO

JENGO LA YANGA KUKARABATIWA

Mkurugenzi wa Wanachama wa timu hiyo Haji Mfikirwa anabainisha kuwa Klabu

Bongo News
May 12, 2023
MICHEZO

SERIKALI YACHANGIA MASHABIKI KUISHUHUDIA YANGA AFRIKA KUSINI

WIZARA ya Utamaduni, Sanaa na Michezo imesaidia kugharamia usafiri wa mashabiki 55 wa

Bongo News
May 13, 2023
MICHEZO

MASHINDANO YA NETIBOLI YAFANA MALYA

Kwa muda wa mwezi mmoja sasa katika viwanja vya ndani vya

Bongo News
May 15, 2023
MICHEZO

WANACHUO MALYA MABINGWA NETIBOLI

Mashindano ya Netiboli yaliyokuwa yanafanyika Kwimba mkoani Mwanza katika viunga vyaChuo

Bongo News
May 23, 2023
MICHEZO

SERIKALI YA TANZANIA NA JAPAN (JICA) KUSHIRIKIANA

Katibu Mkuu Wizara ya Utamaduni, Sanaa na Michezo Bw. Saidi Yakubu

Bongo News
June 1, 2023